Мемлекет басшысы Қасым-Жомарт Тоқаев ұлықтау рәсімінде әділетті Қазақстанда еңбек адамына ерекше құрмет көрсетілетіні туралы айтты. Содан бері құрыш қолды адамдардың маңдай тері елене бастады. Бүгін Жаңа жыл мерекесі қарсаңында Сауран ауданында 200 жуық еңбек адамы құрметке бөленді. Аудан әкімі Мақсат Таңғатаров уақытпен санаспай ерен еңбектің көрігін қыздырған еңбек адамдарына ақ дастархан жайып, құттықтап, сый-сияпат жасады.
-Жалпақ жұртты іргелі істерге бағыттап, кең ауқымды жұмыстар іс тындыру үшін қоғамға пайдалы кез келген мамандық иесі құрметтелуі керек. Әр салада кәсіби біліктілік пен мамандыққа адалдықтың шынайы үлгісін көрсетіп жүрген сіздердің ерен еңбектеріңіз қандай құрметке болса да лайық. Ғұмырын еліміздің өркендеуіне арнаған еңбек ардагерлеріне, аға буынның тәлімгерлік жолын жалғап ерен еңбектің үлгісін көрсетіп жүрген азаматтарымызға зор ризашылығымды білдіремін! Жаңа жыл барлықтарыңыздың отбасыларыңызға шаттық сыйласын,- деді аудан әкімі өз сөзінде.
Кешегі кеңес заманында еңбек адамына ерекше құрмет көрсетілді. Қоғам байлығы қарапайым құрыш қолды адамдардың маңдай терімен жиналды. Заманында кеңшар, астық қабылдау кәсіпорнының директоры болып қызмет істеп жүрген кезімізде алдынан жұмыс үркіп тұратын еңбек адамдарының қажырлы, қайратты ісін көріп сүйсінетін едік. Уақытпен санаспай ерен еңбектің көрігін қыздырған дала ерлері әсіресе науқандық жұмыс кезінде күнді түнге, түнді күнге ұластырып, кірпік ілмей қарекет ететін. Озаттардың еселі еңбегі өзгелерге үлгі етілетін. Олардың суреттері Құрмет тақтасына ілініп, әрқилы жарыстарда жеңімпаз атанып, мақтау марапаттауға ие болды. Осының өзі еңбек адамдарын топтастыра түсті, жігерлерін жаныды, көкіректеріне өлшеусіз күш-қуат құйды.
Ел Президентінің еңбек адамдарын бағалау, құрметтеу туралы лебізін естіген кезде бас көтермей жұмыс істеген жастық шағым көз алдымда қылаң берді. Қазір ауыл шаруашылығы құрылымдарында механизатор, комбайншылар жетіспейді. Жұмыс берушілер өзге де мамандарға зәру. Осының барлығы – соңғы жылдары қарапайым еңбек адамын қадірлемегендіктен. Сондықтан жастар жағы еңбек етуге құлықсыз. Кешегі дәстүр сабақтастығы үзілді. Осы бір түйінді мәселені Мемлекет басшысы өте дұрыс аңғарып, қоғамды олқылықтың орнын толтыруға шақырып отыр. Түптеп келгенде, бұл – елдің өте ауқымды, маңызды шаруасы. Жалпақ жұртты іргелі істерге бағыттап, кең ауқымды жұмыстар іс тындыру үшін қоғамға пайдалы кез келген мамандық иесі құрметтелуі керек. Тәуелсіздік – қасиетті ұғым. Ата-бабамыз аңсап өткен еге¬мендікке куәгер болып отырғанымызға тәуба дейміз.
Осы орайда, қасиетті де, қастерлі күнде біз қарапайым еңбек адамдарын ұмытпауымыз керек. Елдіктің, егемендіктің қалыптасуы жолында тек қана басшылар мен ақын-жазушылар емес көшедегі тазалықшыдан бастап, қарапайым көлік жүргізушіге дейін қосқан үлесі зор. Біз кешегі Кеңес үкіметін қанша жамандасақ та ол заманнан алатын үлгі аз емес.
Мысалы ол заманда еңбек адамдарына ерекше көңіл бөлінді. «Үздік сауыншы», «Жүз қойдан жүз жиырма қозы алған шопан», «Шебер тракторшы» сынды атақтар көп болды. Тіпті үздік шыққан еңбек адамдарын ұлығылап қана қоймай, оларды депутат қылды, лауазым берді. Бұл расымен де еңбек адамдарын ынталандыратын. Тіпті, кей жағдайларда совхоз директорынан қойшының жалақысы көп болатын. Сол сияқты, біз де осынау қастерлі де, қасиетті мерекеде еңбек адамдарын ұлығылауымыз керек. Өкінішке қарай, қазір біздің елде құрылысшы, шопан, сауыншы деген мамандар жеке кәсіпкерлер мен шаруа қожалықтарының қызметкерлері. Тікелей әкімдік пен мемлекеттік мекеме құзырында емес.
Мерекелік бас қосуға облыстық мәслихат депуттары Баймахан Сүлейменов пен Жанар Темірбекова, аудан депутаттары мен БАҚ-ның басшылары қатысып, ізгі тілектерін жеткізді. Ауданның тазалығымен айналысып, жарығына жауапты болған, таза ауыз судың уақыты берілуін қадағалап жүрген, егін егіп, мал басын көбейткен еңбеккерлерге бұл күні алғыс көптеп айтылды. Мерейлерін көтерді. Аудан өнерпаздары әннен шашу шашып, көтеріңкі көңіл күй сыйлады.
Ел Президенті Қасым-Жомарт Тоқаев кезекті өз Жолдауында көптеген әлеуметтік мәселелерді көтерді.
Әсіресе, Президентіміздің ауылдардағы қарапайым еңбек адамдарының жалақасын көтеру керек деген сөзі ұнамды.
Шынынды да, қазіргі кезде ауылдық жердегі көптеген еңбек адамдары ең төмен жалақыға өмір сүріп келеді. Жалақының аздығы бүгінгі күннің ең өзекті мәселесі болып отыр.
Ал, дүкендерде, базаларда азық-түлік бағасы күннен күнге өсіп барады. Бұл мәселені дер кезінде шешпесе, арты үлкен қиындықтарға душар етуі мүмкін.
Бұл сондай-ақ біріншіден, төменгі жалақының азаматтардың экономикалық тәуелсіздік деңгейінің жоғарылауы. Екіншіден, ең төменгі жалақы алатын адамдардың санының азаюы. Үшіншіден, жұмыс беруші жақ осы шығындар есебінен еңбек өнімділігін арттыру арқылы жоғары жалақы және білікті жұмысшыларды қалыптастыруы. Сол себепті, Мемлекет басшысының жұмыс берушілерді жұмысшылардың жалақысын көтеруге ынталандыру туралы шешімі жұмыс берушінің өз қызметкерлерінің алдындағы әлеуметтік жауапкершілігін арттыруға оң серпін беретіні дау тудыр-маса керек.
Ең бастысы, Ел Президентінің еңбек адамдарын әлеуметтік- экономикалық тұрғыдан ынталандырудың маңызды шараларына бастамашы болғаны қуантады.
Тынымсыз әрі еселі еңбектің нәтижесінде алқабымыз астыққа, дастарқанымыз дәмге, үйіміз берекеге толып отыр. Мұның барлығы әр еңбек адамының төгілген маңдай терінің жемісі. Ұзақ жылғы қажырлы еңбегін халықтың игілігіне арнаған адамдардың есімдерін атап, атқарған істерін жас ұрпаққа үлгі ету – міндет пен азаматтық парыз!