Бұл деңгейге Теңіз кен орнын кеңейту, Қашаған мен Қарашығанақ жобаларын дамыту арқылы қол жеткізілмек. Өндіріс көлемі тоқсан алты миллион тоннаға дейін өсіп, одан әрі жүз миллиондық межеге жақындайды. Сонымен қатар, мұнай өңдеу қуаты қазіргі он сегіз миллион тоннадан жиырма тоғыз миллион тоннаға дейін ұлғайтылмақ.
Бұл қадамдар елдің ішкі нарығын жанармаймен толық қамтамасыз етіп, энергетикалық тұрақтылық пен отын қауіпсіздігін бекіте түсуге бағытталған.